«Кимлигини айтсам хунук иш бўлади». Асал Шодиеванинг сочини кестирган фильм продюсери ва фильмида рол ўйнашга розилик бермаган режиссёр ҳақида (видео)

Актриса Асал Шодиева «Исломхўжа» фильмининг ёпиқ премьераси арафасида «Дарё» интернет-нашри учун эксклюзив интервью берди. Интервьюни журналист Феруз Муҳаммад уюштирди.

Актриса интервью давомида қайсидир фильм учун кастинг топширгани, кастингдан ўтиб, ҳаттоки фильм учун сочини ҳам кестиргани, бироқ фильм режиссёри ўзгаргач, фильмда рол ижро этиш Асал Шодиевага эмас, бошқа актрисага топширилгани ҳақида гапириб берди.

Кимлигини айтсам хунук иш бўлади. Одамларни ноқулай аҳволга солишни, ‘эй, Асал бунақа дебди’, деган гапни ҳам ёмон кўраман. Ҳа, шунақа бўлган. Мен ҳеч кимдан хафа бўлмайман. Продюсеримиз битта одам бўлган. Продюсер режиссёрни алмаштирган, режиссёр эса актрисани алмаштирган. Ҳамма ўзига тўғри келадиган инсон билан, жамоа билан ишлайди, балки ўша режиссёр ўша фильмда мени кўрмагандир. Продюсер ўзини ишини қилади, режиссёр ўзининг ишига жавоб бериши керак. Бундан хафа бўладиган бўлсанг, унда фақат ўзинингни ўйлайдиган одам бўлиб қоласан.

Асал Шодиева, актриса