Бухоро шаҳрида АҚШ визасини олиб бераман деб, ваъдасини бажармай, олган пулини ишлатиб юборган шахс қўлга олинди. Бу ҳақда Ўзбекистон ИИВ Жамоатчилик ва оммавий ахборот воситалари билан алоқалар бошқармаси хабар бермоқда.
Маълум бўлишича, 2017 йил май ойида Бухоро шаҳрида яшовчи, муқаддам судланган Б.Н. Газли шоҳ кўчасида жойлашган савдо мажмуасида асли ғиждувонлик У.I.га АҚШга бориш учун виза ҳужжатлари тайёрлаб беришини ваъда қилиб, 2000 АҚШ долларини олган.
Бироқ берган ваъдасини бажармай, пулларни ўз эҳтиёжлари йўлида ишлатиб юборган. Ғиждувон туманида истиқомат қилувчи жабрланувчи эса бу ҳақда орадан бир йилдан кўпроқ вақт ўтиб, 2018 йил 25 июль куни милицияга хабар қилган.
«Мазкур ҳолат юзасидан Б.Н. қўлга олинди», — дейилади ИИВ ахборотида.
Изоҳ (0)