Ер ресурслари, геодезия, картография ва давлат кадастри давлат қўмитасига учувчисиз учиш қурилмаларини олиб кириш ва фойдаланишга рухсат берилди. Бу Вазирлар Маҳкамасининг тегишли қарорида ўз аксини топган, дея хабар беради Spot.
Жумладан, қўмита қошидаги «Геоиннавация маркази» мазкур имкониятдан фойдаланиш ҳуқуқига эга.
Шунингдек, хорижий кинокомпаниялар ҳам Ўзбекистон ҳақидаги фильмларни суратга олиш учун олдиндан рухсат сўраб, мамлакат ҳудудига вақтинча дронларни олиб кириши мумкин.
Қолганлар учун аввалги қоида, яъни Ўзбекистонга учувчисиз учиш қурилмаларини олиб кириш ва фойдаланиш учун Вазирлар Маҳкамасидан махсус рухсатнома олиш ўз кучида қолади.
Эслатиб ўтамиз, олдинроқ «Геоиннавация маркази» ДУК ва Хитойнинг БШарк Ҳолдингс компанияси ўртасида Ўзбекистонда замонавий учувчисиз технологияларни ривожлантириш бўйича ҳамкорлик меморандуми имзолангани ҳақида хабар берилганди.
Изоҳ (0)