Британиялик ҳарбий ИШИД қўмондонини снайпер масофасидан отиб ўлдирди

Буюк Британия қуролли кучларининг махсус авиадесант хизмати снайпери йирик калибрли пулемётдан бир марта ўқ узиб, 1 мил (1600 м)дан ортиқ масофадаги жангарини ўлдирди, деб хабар бермоқда Daily Express.

Бу июнь ойида Афғонистон шимолида махфий патруллаш чоғида юз берган. ИШИД гуруҳи назорати остидаги туманда ҳарбийлар гуруҳи жангарилар базасини кузатаётган вақтида Буюк Британия ва АҚШнинг отиб ташланиши керак бўлган жангарилардан иборат қўшма рўйхатидаги дала қўмондонини пайқаб қолган.

Ҳарбийларнинг снайпер милтиқлари бўлган, аммо улар ҳарбий автомобилга ўрнатилган йирик калибрли пулемётгина нишонга бориб тега олади, деган қарорга келган. Бунинг учун қуролга махсус нишонга олгич ўрнатилган.

Ўқ шунчалик катта куч билан бориб текканки, дала қўмондонининг елкаси ва қўли узилиб тушган, у воқеа жойида ҳалок бўлган.

ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.