Тошкент шаҳрининг Юнусобод туманида 7 август куни соат 22:40 атрофида номаълум ҳайдовчи аниқланмаган автомобилни Бодомзор кўчасида жойлашган «Салтанат» кафеси қаршисида ҳайдаб кетаётиб, ЙТҲ содир этди. Бу ҳақда ИИВ жамоатчилик ва ОАВ билан алоқалар бошқармаси хабар берди.
У йўлнинг белгиланмаган жойидан кесиб ўтаётган пиёда, Юнусобод туманида яшовчи М.А. исмли аёлни уриб юборган. Шунингдек, Spark русумли икки машина билан тўқнашув содир этиб, воқеа жойидан қочиб кетган.
Пиёда М.А. жароҳат олиб, касалхонага ётқизилган. Ҳозирда ушбу йўл-транспорт ҳодисасини содир этган номаълум ҳайдовчини аниқлаш ва ушлаш чоралари кўрилган.
ИИВ ушбу ҳодисага гувоҳ бўлганлардан ички ишлар органларининг ҳудудий бўлимлари ёки 102 телефон рақамига қўнғироқ қилиб, хабар беришни сўраган.
Изоҳ (0)