Тошкент шаҳар ИИББга пойтахт аҳолисидан мотоциклнинг двигатель овози одамларнинг тунги оромини бузаётгани ҳақида жуда кўплаб шикоятлар келиб тушмоқда.
Улар орасида ёш болали оналар, кексалар ва бемор кишиларнинг боқувчилари кўпчиликни ташкил этади.
Шу муносабат билан Тошкент шаҳар ИИББ мотоцикл ишқибозларидан кечки ва айниқса тунги вақтларда пойгалар уюштирмаслик, гуруҳ бўлиб ҳаракатланмасликни сўрамоқда.
«Унутманг, ҳар бир инсон тунда дам олиш ҳуқуқига эга. Уларнинг тинчини бузишга эса ҳеч кимнинг ҳаққи йўқ. Шундай экан, ҳамшаҳарларингизнинг ҳурматини сақланг, дилозор бўлманг!», дейилади мурожаатда.
Изоҳ (0)