Канаданинг SkyPower Global компанияси биринчи қуёш фотоэлектр станциясини Самарқанд вилоятида қуради, деб ёзади Spot «2018—2019 йилларда инвестициявий ва инфратузилмавий лойиҳаларнинг амалга оширилишини тезлаштириш бўйича қўшимча чора-тадбирлар тўғрисида»ги Президент қарорига таяниб.
Аввалроқ SkyPower Global компанияси умумий қиймати 1,3 млрд долларга тенг бўлган фотоэлектр қуёш энергиясини ишлаб чиқариш бўйича объектларни лойиҳалаштириш, молиялаштириш, қуриш, эгалик қилиш ва фойдаланиш бўйича инвестиция лойиҳаларини амалга ошириши ҳақида хабар берилган эди.
Синов лойиҳасини Самарқанд вилоятининг Пастдарғом туманида амалга оширишга қарор қилинди. Муддат — 2019—2020 йиллар. Лойиҳанинг эълон қилинган қиймати — 130 миллион доллар, шундан 2019 йилда 5 миллионни ўзлаштириш режалаштирилмоқда.
Изоҳ (0)