Siemens Зарафшонда 100 миллион долларлик илк шамол электр станциясини қуради

Siemens Зарафшонда илк шамол электр станциясини барпо этади. Президентнинг «2018—2019 йилларда инвестиция ва инфратузилма лойиҳаларини амалга оширишни тезлаштириш бўйича қўшимча чора-тадбирлар тўғрисида»ги қарорида шу ҳақда сўз юритилади, деб ёзади Spot.

Лойиҳа 2019—2022 йилларга мўлжалланган бўлиб, унинг қиймати 100 миллион долларга баҳоланган. Улардан 5 миллион доллари 2019 йилда ўзлаштирилади. Маблағларнинг барчаси — Siemens’нинг хорижий инвестициялари.

Пилот лойиҳа Ўзбекистоннинг улкан шамол энергетик имкониятини ўзлаштириш ва мамлакат энергия тизимига қайта тикланадиган энергия манбаларини жорий этишни бошлаб беради.