Ўзбекистонда дипломлар қўшимча тест ва имтиҳонларсиз тасдиқланиши учун ўқув юртлари бир неча талабларга жавоб бериши лозим. Бу ҳақда Вазирлар Маҳкамаси ҳузуридаги таълим сифатини назорат қилиш давлат инспекцияси бошлиғи Улуғбек Тошкентбоев маълум қилди, дея хабар беради Sputnik.
«Агар талаба дунё рейтингида Топ-500 га кирадиган ўқув юрти ёки Ўзбекистон келишув имзолаган университетни тамомлаган бўлса, имтиҳонларсиз тасдиқловчи дипломга эга бўлади», — изоҳ берди Тошкенбоев.
Унинг айтишича, ҳозирда бу доирани дунё рейтингидаги Топ-1000 гача кенгайтириш тўғрисидаги таклиф кўриб чиқилмоқда.
Юқоридаги талабларга тўғри келмаган тақдирда битирувчи дипломини тасдиқлатиш учун оғзаки имтиҳон топшириши керак бўлади.
Изоҳ (0)