Хитойнинг Henan Suda компанияси Бухоро вилоятида электромобиллар ишлаб чиқаришни бошлаши мумкин, деб ёзади Spot «2018—2019 йилларда инвестициявий ва инфратузилмавий лойиҳаларнинг амалга оширилишини тезлаштириш бўйича қўшимча чора-тадбирлар тўғрисида»ги Президент қарорига таяниб.
Ҳужжатда вилоятлар бўйича истиқболли ҳудудий лойиҳалар рўйхати тасдиқланган. Масалан, Бухоро вилоятига жами қиймати 273 миллион долларлик еттита лойиҳа тўғри келди. Улардан бири — энергиянинг муқобил манбаларини ва электромобилларни ишлаб чиқариш.
Лойиҳавий қувват ҳали аниқлаштирилмоқда, аммо тахминий муддатлар маълум — 2019—2020 йиллар.
Хорижий инвестор ва шерик сифатида Хитойнинг Henan Suda Electric Vehicle Technology Co., Ltd компанияси кўрсатилган. 2010 йилда асос солинган компания ҳозирда Suda Yinse ва Suda Lance каби икки хил русумдаги электромобилларни чиқаради.
Лойиҳа 64 миллион долларга баҳоланмоқда, унинг 100 фоизини Henan Suda Electric Vehicle Technology Co., Ltd маблағлари ташкил қилади.
Изоҳ (0)