Шарқий ҳарбий округ қўшинлари қўмондонлиги тўғри йўлдан адашиб, ўз қилмишларидан пушаймон бўлган, Президент фармонига кўра авф этилган фуқароларни Фарғона шаҳридаги ҳарбий қисм фаолияти билан таништирди. Бу ҳақда «Дарё» мухбири Азизжон Эрматов хабар бермоқда.
Тадбир иштирокчилари Ватани, халқи осойишталиги учун ўз жонини қурбон қилган ўғлонлар хотирасига ташкил этилган монументни, ҳарбий қисм фаолиятини, бу ерда юрт посбонлари учун яратилган шароитларни кўздан кечирди.
Ўқув-амалий машқлар олиб боришга мўжалланган ҳудудлардаги жараён ҳам қизиқарли бўлди. Иштирокчилар парашют билан ишлаш, ундан сакраш, турли хил спорт мусобақаларида ўзларини синаб кўрди.
Ҳарбий қисмда ташкил этилган кутубхонада ҳарбий ватанпарварлик мавзусида суҳбат ўтказилди.
Изоҳ (0)