Парижда Ўзбекистоннинг Франциядаги илк савдо уйи очилиши маросими бўлиб ўтди. Бу ҳақда «Дунё» АА хабар бермоқда.
Тадбирда Ўзбекистон Ташқи савдо вазири Ж. Хўжаев, Ўзбекистоннинг Франциядаги элчиси С. Рустамбаев, «Ўзтрейд» АЖ бошқаруви раиси Д. Қодиров ва Франция минтақалари савдо-саноат палатаси вице-президенти П. Кашли иштирок эди.
UzFranceTrade савдо уйининг асосий вазифаси Франция ва Европанинг бошқа давлатларида Ўзбекистон маҳсулотлари экспортини илгари суришдан иборат. Шу мақсадда ўзбек маҳсулотларининг кенг ассортименти тақдим этиладиган намойишлар залига эга доимий ишловчи шоу-рум фаолият олиб бориши кўзда тутилган.
Маросим якунида Евроиттифоққа 1 миллион долларлик тўқимачилик маҳсулотлари, шунингдек, Франция бозорига 100 тоннадан иборат қуруқ меваларнинг илк туркумини етказиш бўйича келишувлар имзоланди.
Изоҳ (0)