Ўзбекистон Сўғд вилоятида янги умумтаълим мактабини қуришни режалаштирмоқда. Бу ҳақда маҳаллий «Сўғд» ахборот агентлиги хабар бермоқда, дея хабар беради «Халқ сўзи».
Қайд қилинишича, мактаб Спитамен туманида барпо этилади. Бу ҳақдаги битим Ўзбекистон Президенти Шавкат Мирзиёевнинг Тожикистонга амалга оширган ташрифи давомида имзоланган.
Қурилиш режасига кўра, мактаб 630 ўқувчига мўлжалланган.
Тожикистон архитектура ва қурилиш қўмитаси раиси Жамшед Аҳмадзоданинг айтишича, Спитамен туманидаги мактабдан ташқари, Хатлон вилоятининг Қубодиён туманида 200 ўринли шифохона қурилиши ҳам режалаштирилган.
Спитамен тумани маъмурияти ўзбекистонлик мутахассисларга қурилиш учун бир нечта жой таклиф этган. Аммо ҳозирча якуний қарор қабул қилинмади.
Қайд этиш жоизки, Тожикистон Самарқанд шаҳрида 640 ўқувчига мўлжалланган мактаб биноси қуриши ҳақида маълум қилганди. Шунингдек, Тожикистон томони Фарғона вилоятида битта мактабгача тарбия муассасаси қуришни режалаштирган.
Изоҳ (0)