Самарқандда бўлиб ўтган 54-сессияда вилоят ҳокими вазифасини бажарувчи Эркинжон Турдимов вилоят экология ва атроф-муҳитни муҳофаза қилиш бошқармаси бошлиғи Ғ.Негматовнинг фаолиятини танқид қилиб, унга берилган саволларга ҳеч қандай жавоб бўлмаганлигини билдириб ўтди, дея хабар бермоқда «Дарё» мухбири Фарҳод Норбўтаев.
Хусусан, «Тоза ҳудуд» ДУК ташкилотнинг бугунги кундаги фаолияти қанчалик тўғри йўлга қўйилганлиги танқид остига олиб, вилоят ҳудудини айланганда ҳамма жойда чиқиндилар тўпланиб ётганлигини айтиб ўтди.
Дарё ёқаси ҳам ариқлар-у, канал бўйларида ҳам чиқиндилар тўплангани, шаҳарнинг катта кўчасидан ичкарига кирилганда қилинган ишлар яққол кўзга ташланишини таъкидлаб ўтилган.
«Нарпай туманига борганимизда ўз кўзимиз билан кўрдик, ҳеч жойда ўтириб бўлмайди. Аҳвол бундай бўлса, «Тоза худуд» ДУКни бизга нима кераги бор. Ишламайдиган бўлса, чиқинди йиғишни хусусийлаштириш керак. Чиқинди олмайдиган, аҳолини чиқинди йиғишга қизиқтира олмайдиган «Тоза ҳудуд» ДУК бизга кераги йўқ», — деди вилоят ҳокими.
Изоҳ (0)