Германиядаги Берхтесгаден шаҳри ҳукумати қадимий қабристондаги жойларни лотереяга қўйди. Улар лотерея учун 200 та жойни ажратган, дея ABC News хабар бермоқда.
Маълум қилинишича, ХVII асрга тааллуқли қабристон аҳоли ўртасида анча машҳур. Бироқ сўнгги йиллар мобайнида шаҳар маъмурияти бу қабристондан жой буюртирганларга рад жавобини бериб келган. Негаки қадимий қабристонда жой жуда кам қолган эди.
Эндиликда эса шаҳар ҳукумати аҳолига қабристондаги жойга эга бўлиш учун тенг имкониятларни тақдим қилмоқчи.
Лотереяда иштирок этиш учун 280 киши буюртма берган. Берхтесгаден шаҳрида 7,5 минг киши истиқомат қилади.
Изоҳ (0)