Фарғона вилоятининг Риштон туманида «Ёшлар—келажагимиз» давлат дастурини амалга ошириш бошланди. Ушбу дастур доирасида Риштон туманидаги қарийб 15 километр узунликдаги марказий йўл «Ёш тадбиркорлар кўчаси»га айлантирилмоқда. Бу ҳақда «Дарё» мухбири Азизжон Эрматов хабар берди.
«Ёш тадбиркорлар кўчаси»нинг икки четидан ишлаб чиқариш, хизмат кўрсатиш, ҳунармандлик ва савдо соҳасида иш бошлаш истагини билдирган 500 нафарга яқин ёш тадбиркорлар учун жой ажратилади. Шунингдек, «Ёшлар меҳнат гузари» ва «HUB MEHNAT» коворкинг-маркази ташкил этилади.
Ёшлар иттифоқи Риштон туман кенгашидан олинган маълумотга кўра, «Ҳар бир фермерга — бир ёш» лойиҳаси бўйича 314 нафар фермерга 282 нафар ёшлар шартнома асосида бириктирилди ҳамда уларга 0,5 гектардан ер майдони берилди. «Ҳар бир оила — тадбиркор» дастури бўйича 240 нафар ёшларга йиллик 7 фоиз ставка билан имтиёзли кредит ажратилиши режалаштирилган.
Изоҳ (0)