Тошкент шаҳридаги муайян яшаш жойига эга бўлмаган шахсларни реабилитация қилиш марказига ОАВ вакиллари ташрифидан сўнг ушбу мавзуга қизиқиш билдирилган кўплаб хат ва мурожаатлар олинди. Бу ҳақда ИИББ матбуот маркази маълум қилди.
Марказда вақтинча бўлиб турган шахслар учун моддий ва маънавий ёрдам жуда муҳим. Бундан ташқари, Тошкент шаҳар ИИББ бу ерда кўнгилочар тадбирлар, психологик машғулотлар ўтказиш бўйича таклифларни кўриб чиқишга тайёр.
Шунингдек, мурувват тариқасида аёллар ва эркаклар кийимлари ва кундалик эҳтиёж учун зарур бўлган маҳсулотлар, гигиена воситалари (совун, шампун, кир ювиш кукуни, тиш пастаси, тароқ, сочиқ), озиқ-овқатлар қабул қилинади.
Марказ манзили: Тошкент шаҳри, Яшнобод тумани, Чашма кўчаси, 3-уй.
Тошкент шаҳар ИИББ ва Муайян яшаш жойи бўлмаган шахсларни реабилитация қилиш маркази шу кунларда марказдаги шахслар учун ёрдам қўлини чўзаётган барчага миннатдорчилик билдиради.
Изоҳ (0)