Тошкент вилояти ИИБда янги тайинланган терговчи ва суриштирувчиларга «иш қуроллари» топширилди

Ички ишлар вазирлиги Академиясини тамомлаган 16 нафар битирувчи Тошкент вилояти ИИБ ҳузуридаги тергов бўлимларига терговчи ва суриштирувчи лавозимига тайинланди. Ёш ходимларга тергов жараёнида зарур бўладиган барча «иш қуроллари» топширилди. Бу ҳақда Тошкент вилояти ИИБ матбуот хизмати «Дарё»га маълум қилди.

«Иш қуроллари» компьютер жамланмаси, хизмат дафтарлари, терговчи махсус сумкаси, амалий қўлланмалар ва эслатмалар, жиноят, жиноят процессуал ва маъмурий кодекслар ҳамда канселярия анжомларини ўз ичига олган.

Ёш ходимлар ишга қабул қилинганлигини Тошкент вилояти ИИБ бошлиғи полковник А.А. Алламурадов расман эълон қилди ҳамда уларнинг бошланаётган меҳнат фаолиятида омад тилади.