Олий Мажлис Сенатининг XV ялпи мажлиси бошланди. Унда 23 та масала кўриб чиқилади (онлайн)

Бугун, 28 июнь куни Ўзбекистон Республикаси Олий Мажлиси Сенатининг ўн бешинчи ялпи мажлиси ўз ишини бошлади.  Бу ҳақда «Дарё» мухбири Севара Нишонова хабар бермоқда.

Ялпи мажлис кун тартиби доирасида 23 та масала кўриб чиқилади.

Жумладан, сенаторлар «Экстремизмга қарши курашиш тўғрисида»ги, «Медиация тўғрисида»ги , «Жамоат жойларида чилим ва электрон сигареталар чекишни чеклаш тўғрисида»ги Ўзбекистон Республикаси Қонунларини қабул қилиши кутилмоқда.

Бундан ташқари, бугунги мажлисда Ички ишлар вазирининг Ички ишлар органларининг жиноятчиликка қарши курашиш  ва ҳуқуқбузарликларнинг олдини олиш соҳасидаги фаолияти тўғрисидаги ахбороти ҳамда Ўзбекистон Республикаси Бош прокурорининг прокуратура органларининг 2017 йилдаги фаолияти тўғрисидаги ҳисоботи тингланади.

Шунингдек, мажлисда Ўзбекистоннинг Франциядаги элчисини ҳамда судьялар олий кенгаши раисини тайинлаш, Ўзбекистон Олий суди таркибига ўзгартиришлар киритиш каби масалалар ҳам кўриб чиқилади.