Навоийда ғалла мавсуми давом этмоқда

Навоий вилояти деҳқонлари жорий йилда 40,6 минг гектар майдонда ғалла парваришлади, деб ёзади ЎзА.

Айни кунларда далада ўрим-йиғим ишлари қизғин паллага кирган. Ҳозирга қадар Қизилтепа, Кармана ва Конимех туманлари давлатга дон сотиш шартнома режасини ортиғи билан бажарди.

Вилоятда ўрим-йиғимга пухта тайёргарлик кўрилиб, ҳосилни нест-нобуд қилмай, қисқа фурсатларда йиғиштириб олиш учун 100 отряд ташкил этилди. Ўримга жалб этилган 100 та комбайн иштирокида бугунгача ҳосилнинг қарийб 90 фоизи йиғиштириб олинди.