Ирландияда автомобиль черков ёнидаги пиёдалар устига юриб кетди

Ирландиянинг Дублин шаҳрида автомобиль черков ёнидаги пиёдалар устига юриб кетди. Ҳодиса оқибатида тўрт киши, шу жумладан ҳайдовчи жабрланди. Бу ҳақда полиция маълумотига таяниб, Irish Times газетаси хабар бермоқда, деб ёзади «РИА Новости».

Ҳодиса маҳаллий вақт билан тонгги 10:20 да юз берган. Ҳайдовчи пиёдалар устига юриб кетишдан аввал ҳушини йўқотганлиги таъкидланмоқда. Черковда дафн маросими ўтказилаётган эди, у ЙТҲ сабабли кечиктирилди.

«Енгил жароҳат олган бир киши Жеймс Коннолли номидаги шифохонага етказилди», — дейди полиция вакили. Унинг сўзларига қараганда, яна уч киши маҳаллий шифохоналарга етказилган.

Нашрнинг маълум қилишича, жабрланганлардан икки нафари оғир аҳволда.