Оқ Уй матбуот котиби Трампни қўллаб-қувватлагани учун ресторандан чиқариб юборилди

Оқ Уй матбуот котиби Сара Сандерс Red Hen ресторанидан чиқариб юборилди. Бу ҳақда Sputnik хабар бермоқда.

Айтилишича, ресторан ходимлари у Дональд Трампни қўллаб-қувватлагани учун унга хизмат кўрсатишдан бош тортган.

Сара Сандерс Twitter’даги саҳифасида бу воқеани айтиб берди.

«Ўтган кеч Виржиния штатида, Лексингтонадиг Red Hen ресторани эгаси АҚШ президентига ишлаганим учун муассасани тарк этишимни сўради. Мен хушмуомалалик билан жавоб бериб, чиқиб кетдим. Аёлнинг хатти-ҳаракатлари мен ҳақимда эмас, у ҳақда кўпроқ нарса айтади. Мен барчага, уларнинг фикрига қўшилмасам ҳам, ҳурмат билан қарашга интиламан», — деб ёзди у.