Қашқадарёда қўлга олинган АҚШ фуқароси Зокир Алиев озод қилинди. Бу ҳақда «Газета.uz» хабар бермоқда.
Нашр манбасига кўра, ҳозирда у қариндошлариникида.
1972 йилда Қашқадарё вилоятининг Чироқчи туманида туғилган, 2014 йилда АҚШ фуқаролигини олган ва шу кунгача мазкур мамлакатда яшаб келган Зокир Алиев қариндошларининг таклифи билан Ўзбекистонга келган эди.
У 16 июнь куни Чироқчи туманида қўлга олинди. Давлат хавфсизлик хизмати Зокир Алиевни 2005 йилдан бери «Ўзбекистон ислом ҳаракати» фаолиятига алоқадорлиги учун қидирувда бўлгани, ҳозирда унга нисбатан эҳтиёт чорасини қўллаш масаласи кўриб чиқилаётганини билдирганди.
Изоҳ (0)