Бухорода зовурда чўмилган икки фуқаро чўкиб кетди

Бухоро вилоятининг Пешку туманида яшаган И.И. ва Ромитон туманида яшаган О.М. 19 июнь куни Хупкалак қишлоғидан оқиб ўтувчи зовурда чўмилаётганларида эҳтиётсизликлари оқибатида сувга чўкиб кетди. Бу ҳақда ИИВ жамоатчилик ва ОАВ билан алоқалар бошқармаси хабар берди.

Уларнинг жасади сувдан топиб олинди.

«Чўмилиш жойларига борадиган бўлсангиз, хавфсизлик чораларини кўринг. Ўзингиз ва яқинларингиз ҳаётига бефарқ бўлманг. Ёш болаларингизни чўмилиш жойларига назоратчисиз юборманг ва уларни назоратсиз қолдирманг», дейилади ИИВ хабарида