Саудия Арабистони яқин вақт ичида Қатарни оролга айлантиришни кўзловчи лойиҳани амалга оширишни бошлайди. Бу ҳақда Anadolu агентлигига таяниб, «Корреспондент.net» хабар берди.
Саудия қиролининг маслаҳатчиси Сууд ал-Қаҳтоний томонидан маълум қилинишича, Селва номли канал бир йил ичида қазилади. У Қатар яриморолини Арабистон яриморолидан ажратиб туради.
Хабар берилишича, яқин кунлар ичида Селва канали лойиҳаси бўйича тендерга аризалар қабул; қилиш якунланади. Қурилиш лойиҳасида иштирок этиш учун аллақачон бешта компания мурожаат қилган, тендер натижалари эса 90 кун ичида маълум қилинади.
Қаҳтоний Саудия Арабистони халқини Қатарни оролга айлантирувчи улкан лойиҳанинг бошланиши билан табриклаган. Таъкидланишича, янги оролда Қатардан ташқари Саудия Арабистонининг ҳарбий базаси ҳам жойлашади.
Изоҳ (0)