Тошкентда Xiaomi Redmi смартфони сотувга чиқди

Xiaomi компанияси Ўзбекистонда Redmi С2 смартфонини сотишни бошлади, деб ёзмоқда «Mobinfo.uz».

Янги смартфон бир вақтнинг ўзида 3 та карта (2 та SIM-карта ва microSD) билан ишлаши мумкин.

Xiaomi Redmi С2 5,99 дюймли ва 1440х720 пикселли дисплей, Qualcomm Snapdragon 625 процессори ва 3000 мА/соат сиғимли аккумуляторга эга. Асосий камераси Sony IMХ486 (12 мегапиксел) ва Samsung S5К5E8 (5 мегапиксел) датчикларига эга. Фронтал камерасининг имконияти — 16 мегапиксел. Smartфон 3 Гб оператив ва 32 Гб флеш-хотирага эга.

Xiaomi Redmi С2 ўлчамлари — 160, 73х77, 26х8,1 мм. Қурилма Android 8.1 Oreo операцион тизимида ишлайди.

Пойтахт бозорларида Xiaomi Redmi С2 смартфони 1,360,000 сўмга сотилмоқда.

Ушбу қурилмани кўрсатилган нархда сотиб олишга «Дарё» нашри кафолат бермайди. Қурилма ва унинг нархи ҳақидаги ахборот фақат танишиш учун тақдим этилган.