Эпштейн ўлими олдидан ёзган мактуб эълон қилинди

АҚШда Нью Йорк федерал судьяси 6 май куни марҳум жинсий жиноятчи Жеффри Эпштейн томонидан ёзилгани айтилаётган ўлим олди мактубини эълон қилди. Хатда: “хайрлашиш вақтини ўзи танлай олиш — бу ёқимли”, деган жумлалар бор.

Мактуб қандай топилган?

Собиқ молиячи ва вояга етмаганлар савдосида айбланган Эпштейн 2019 йил август ойида Манхеттендаги қамоқхона камерасида ўлик ҳолда топилган эди. Унинг ўлими ўз жонига қасд қилиш деб баҳоланган.

Қўлда ёзилган ушбу мактуб Эпштейннинг собиқ камерадоши, қотилликда айбланган собиқ полициячи Николас Тарталёне томонидан топилгани айтилмоқда. Тарталёне иши бўйича судья Кеннет Карас The New York Times нашри сўровидан сўнг мактубни очиқлади.

Судья қарори

Карас мактубни оммага очиқ бўлиши керак бўлган суд ҳужжати деб топди. Чунки у Тарталёненинг жиноий иши доирасида тақдим этилган эди. Тарталёне ҳозирда гиёҳванд моддалар билан боғлиқ қотилликлар учун тўрт карра умрбод қамоқ жазосини ўтамоқда.

Судья мактубни сир сақлаш учун қонуний асос топмади. Бироқ у мактубнинг ҳақиқийлигини тасдиқламади. Судьянинг фикрича, бу масалалар ҳужжатни очиқлаш қарорига алоқадор эмас.

“Ҳеч бир томон ушбу мактубни сир сақлашни оқлайдиган бирон бир сабаб кўрсатмади”, деб ҳукм чиқарди судья.

Мактубда нима ёзилган?

Сарғиш рангли қоғозга шошилиб ёзилган мактуб Тарталёненинг адвокатлари томонидан тақдим этилган. Тарталёне 2019 йил июль ойида Манхеттен қамоқхонасида Эпштейн билан тахминан икки ҳафта бир камерада ўтирган.

Суд материалларидаги мактубга кўра, унда қуйидагилар ёзилган:

“Мени ойлар давомида тергов қилишди — ҳеч нарса топишмади!!! Оқибатда 15 йиллик айбловлар пайдо бўлди. Хайрлашиш вақтини ўзи танлай олиш ёқимли. Мендан нима кутгандингиз — дод солиб йиғлашимними!! ҚИЗИҒИ ЙЎҚ — Бунга арзимайди!!”.

Эпштейн 2013 йилда Флоридада вояга етмаганларни фоҳишаликка жалб қилишда айбдор деб топилган. Ўшанда у баҳсли келишув эвазига қисқа муддатли қамоқ жазоси билан қутулиб қолган. 2019 йил июлида у яна ҳибсга олинди ва Нью Йорк ҳамда Флоридада вояга етмаган қизларни ёллаш, зўравонлик ва жинсий алоқа қилишда айбланган.

Ушбу мактуб илк бор 2019 йил июль ойида, Эпштейн ўз камерасида бўйнидаги жароҳатлар билан тирик топилганда пайдо бўлган. Ўшанда расмийлар буни ўз жонига қасд қилишга уриниш деб баҳолаган. Тарталёненинг сўзларига кўра, мактуб уларнинг умумий камерасидаги китоб ичига яширилган бўлган. Эпштейн бир неча ҳафта ўтиб, 2019 йил 10 августда бошқа бир ҳолатда (ўз жонига қасд қилиш) вафот этди.

Ҳужжат нега яширин қолганди?

Тарталёне 2025 йилда подкастлардан бирида ушбу мактуб ҳақида гапирган эди. Бироқ Times ўтган ҳафта у ҳақда ёзганидан сўнг мавзу кенг омма эътиборини тортди. Газетанинг хабар беришича, ушбу мактубни федерал терговчилар ҳеч қачон кўрмаган. Шунингдек, у Адлия вазирлиги томонидан сўнгги йилларда Эпштейн иши бўйича эълон қилинган миллионлаб ҳужжатлар орасида ҳам бўлмаган.

Судья ҳужжатни очиқлаш ҳақида буйруқ берар экан, Эпштейннинг ўлими ва ушбу мактуб аллақачон жамоатчилик орасида кенг муҳокама қилинаётганини ҳисобга олиб, шахсий дахлсизлик борасидаги хавотирларни рад этди.

Эпштейн “масжиди” учун Ўзбекистондан плиткалар, Каъбанинг кисвалари олиб келинган

Америкалик молиячи ва жинсий жиноятчи Жеффри Эпштейн ўз оролидаги “масжид” қурилиши учун Каъбадан келтирилган кисва, Ўзбекистондаги масжиддан олиб келинган кошин (плитка) ва Сурия меъморчилиги нусхасидан фойдалангани маълум бўлди.

Журналистлар Эпштейннинг ёзишмаларини ўрганиб, унинг шахсий оролидаги ғайриоддий биноси ҳақида маълумот топди. Жинсий жиноятчи қандай қилиб Қуръон оятлари туширилган кисвага эга бўлгани ойдинлашди.

2011-йилда Эпштейн ҳақиқий плиткаларни топиш мақсадида Ўзбекистондаги танишларига мурожаат қилган ва “Улар ички деворлар учун, масжидга ўхшаб ишлатилади”, деган. Лойиҳа учун руминиялик дизайнер Ион Никола ёлланган.

Бугун, 10:25

Huawei GITEX Central Asia and Caucasus 2026 кўргазмасида саноат учун СИ инфратузилмасини яратишда етакчиликни мустаҳкамламоқда

Бугун, 10:30

Ўзбекистонда Тўловга қобилиятсизлик ишлари агентлиги ташкил этилади

Ўзбекистон

Бугун, 09:59

“Қарзларимдан қутилиш учун урушга бордим” — Россия армияси сафида жанг қилган фуқаро 3 йилга қамалди

Ўзбекистон

Бугун, 09:00

Ҳар бир хонадонга футбол: Uzum Bank Ўзбекистон миллий терма жамоаси футболчилари тасвирланган коллексион банксларни тақдим этади

Кеча, 21:00

Ўзбекистон

Ўзбекистонда Тўловга қобилиятсизлик ишлари агентлиги ташкил этилади

Ушбу тузилма банкротлик омилларини таҳлил қилиш ва бартараф этиш чораларини кўриш, корхоналарни молиявий соғломлаштиришга кўмаклашиш билан шуғулланади.

Бугун, 09:59

Ўзбекистонда фуқароларни турган жойи бўйича рўйхатдан ўтказиш тартиби белгиланди

Бугун, 09:16

“Қарзларимдан қутилиш учун урушга бордим” — Россия армияси сафида жанг қилган фуқаро 3 йилга қамалди

Бугун, 09:00

Ўзбекистонда 2025-йилда олти нафар топ блогер 2,7 млрд сўм даромад қилиб, 110 млн сўм солиқ тўлади

Бугун, 07:10

Судьялар олий кенгаши тўрт нафар судьяни ишдан бўшатди, улардан икки нафари қонун талабларини бузган

Кеча, 22:59

Дунё

Исроил Ливан билан сулҳдан сўнг илк бор Байрутга ҳужум қилди

Бугун, 09:45

Россия Киев аҳолиси ва хорижий дипломатларни пойтахтдан чиқиб кетишга чақирди

Бугун, 08:53

Франция Ҳормузда хавфсизликни таъминлаш мақсадида Қизил денгизга авиаташувчи юборди

Бугун, 07:44

Ҳиндистонда бир оила заҳарланиб ўлгани ортидан тарвуз савдоси тушиб кетди

Кеча, 23:42