Facebook раҳбарияти Марк Цукерберг томонидан АҚШ парламентида жавоб берилмаган саволларга ёзма жавобларни тақдим этди. Бу ҳақда АҚШ Конгресси томонидан эълон қилинган мазкур мактубга таяниб, «Корреспондент.net» хабар берди.
Хабар берилишича, Facebook қуйидаги маълумотларни йиғиб боради:
- Ижтимоий тармоқ ойнасидаги фаоллик вақти, частотаси ва давомийлиги (шу жумладан, ойна очиқ ёки фон режимида турганлиги ҳақидаги маълумот);
- Бошқа сайтларда амалга оширилган харидлар;
- Фойдаланувчи браузеридаги плагианлар;
- Қурилмадаги курсор ҳаракати;
- Facebook мобил дастуридаги камерадан фойдаланиш;
- Фотосуратларнинг метамаълумотлари (суратга олинган вақт ва жой);
- Ўрнатилган мобил дастурлар;
- Фойдаланувчи қурилмасидаги файллар номи ва тури;
- Мобил дастурлар идентификаторлари;
- Қурилмадаги бўш жой миқдори;
- Фойдаланувчининг алоқа маълумотлари;
- Android қурилмаларидаги қўнғироқлар журнали ва SMS’лар тарихи;
- Энг яқин Wi-Fi ва мобил алоқа нуқтаси;
- Компьютер орқали уланган мобил ва стационар провайдерлар, тармоққа уланган телефонлар, телевизорлар ва бошқа қурилмалар ҳақида маълумот;
- Қурилманинг қувват даражаси;
- Қурилмадаги созламалар ва рухсатлар;
- Бошқа фойдаланувчиларнинг маълумоти ва фотосуратлари, шунингдек, улар билан ўзаро алоқа ва муносабатлар частотаси.
Изоҳ (0)