Ўзбекистон мусулмонлари идораси расмий сайтида рўзанинг инсон саломатлигига таъсири ҳақида мақола эълон қилинди.
Аслида кўплаб касалликлар меъёрни билмаслик орқали пайдо бўлади. Рўза тутиш орқали биз икки томонлама фойда оламиз, яъни – охират савобларини оламиз ва танамиздаги ортиқча беморликлардан халос бўламиз, дейилади мақолада.
Семириб кетиш натижасида саломатлиги билан боғлиқ турли муаммоларга учраган аёл югуриб ҳам, парҳез сақлаб ҳам оза олмагач, ойнинг 13-14-15 ва ҳафтанинг душанба, пайшанба кунлари рўза тутишга одатланганидан кейингина вазн ташлагани, бунинг натижасида соғлиғи яхшилангани айтилади.
«Сўнгги йилларда дунёдаги кўпгина мамлакатларда касалликларнинг олдини олиш ва даволаш учун ўзини овқатдан сириш усулидан тобора кенгроқ фойдаланилмоқда. Бу усул ўзига хос жиҳатларга эга. Энг муҳими, вақти-вақти билан ҳар ойнинг 13-14-15 куни ёки ҳафтанинг душанба ва пайшанба кунларида рўза тутишга одатланиш бир томондан суннат амал ҳисобланса, иккинчи томондан танамизни соғломлаштиришда асосий омилдир», — дейилади мақолада.
Изоҳ (0)