Туниснинг жануби-шарқий қирғоғида 3 июнь, якшанба куни чўкиб кетган қайиқда ҳалок бўлган ноқонуний муҳожирлар сони 58 нафарга етди. Бу ҳақда «Синьхуа»га таяниб, «ТАСС» хабар бермоқда.
Аввалроқ, 48 кишининг ҳалок бўлгани маълум қилинган.
Тунис ички ишлар вазирлиги вакилининг берган маълумотларига қараганда, қурбонларнинг 31 нафари—тунислик, 22 нафари—бошқа мамлакат фуқаролари. Қурбонларнинг шахси ҳозирча аниқланмаган.
Воқеа жойига етиб келган миллий гвардия ва ҳарбий-ҳаво кучлари бўлинмалари 68 нафар муҳожирни қутқариб қолган.
Қайиқнинг ҳалокатга учрагани тўғрисидаги сигнал 2 июнь, шанба куни, маҳаллий вақт билан соат 22:45 да келиб тушган.
Эслатиб ўтамиз, Конго демократик республикасининг шимолида қайиқнинг ағдарилиб кетиши оқибатида 49 киши чўкиб кетган эди.