Наманганда ўрта махсус, касб-ҳунар таълими муассасалари ўқувчилари ўртасида «Энг истеъдодли китобхон» кўрик-танловининг вилоят босқичи ўтказилди. Бу ҳақда «Дарё» мухбири хабар берди.
Вилоят ҳокимлиги, вилоят ўрта махсус, касб-ҳунар таълими, матбуот ва ахборот бошқармалари, касаба уюшмалари ташкилотлари бирлашмаси ҳамкорлигида ташкил этилган тадбирда ўқувчилар китобхонлик маданияти бўйича баҳслашди.
Танлов иштирокчилари ижтимоий-сиёсий соҳага оид ва бадиий китоблар, шеърият, китоблар тавсия қилиш борасидаги билимларини синовдан ўтказди.
Ўқувчиларнинг китоб ўқишга қизиқишини ошириш, ўзбек ва жаҳон адабиёти ҳақидаги билимларини бойитишга кўмаклашиш мақсадида ташкил этилган танловда Наманган маданият коллежи ўқувчиси А. Равшанова биринчи, Учқўрғон педагогика коллежи ўқувчиси Н. Яҳёпўлатова иккинчи, Норин академик лицейи ўқувчиси Р. Абдулҳамидова учинчи ўринни эгаллади.
Ғолиб ва совриндорларга диплом ҳамда қимматбаҳо совғалар тақдим этилди.
Изоҳ (0)