16 май куни Бухоро вилоятида Knauf Gips Bukhara корхонаси реконструкция қилинганидан сўнг, Knauf гипсокартон маҳсулотларини ишлаб чиқаришга мўлжалланган расмий линиянинг очилиши бўлиб ўтди. Бу ҳақда компания вакилларига асосланиб, «Газета.uz» хабар берди.
Очилиш маросимида Ўзбекистон бош вазири Абдулла Арипов, Knauf ҳамкорлик халқаро гуруҳи бошқарувчиси Манфред Грундке ва Германиянинг Ўзбекистондаги элчиси Гюнтер Оверфелд иштирок этди.
Реконструкциядан кейин линия қуввати 30 фоизга ўсган, бу эса Knauf гипсокартонларини 30 миллион метр квадратдан ортиқ ишлаб чиқариш имкониятини беради. Лойиҳага тикилган маблағ қиймати 16 миллион евродан ортиқ. Атиги 20 йил ичида Knauf компанияси Ўзбекистондаги фаолияти давомида Бухорода иккита корхонага 75 миллион долларлик сармоя киритди.
Кутилганидек, Бухоро вилоятида ишлаб чиқарилган қурилиш материаллари Ўзбекистон иқтисодиётининг рақобатбардошлигини ва Ўзбекистоннинг экспорт салоҳиятини оширишга ёрдам беради.
Маълумот учун, Knauf Gips Bukhara МЧЖ 2011 йилдан бери гипсокартон ишлаб чиқаради. Корхона маҳсулотлари Ўзбекистон ва қўшни давлатлар бозорларига етказиб берилади.
Изоҳ (0)