Ўзбекистон ТИВ Тожикистонга бораётган фуқаролар диққатига бу давлатда рўйхатдан ўтиш тартиби юзасидан маълумот тақдим этди.
Тожикистон Республикасининг 2018 йил 2 январдаги 1471-сонли «Чет эл фуқароларининг ва фуқаролиги йўқ шахсларнинг Тожикистон Республикасида ҳуқуқий мақоми» тўғрисидаги қонунига мувофиқ, чет элликлар, шу жумладан Ўзбекистон фуқаролари ҳам Тожикистон давлат чегарасини кесиб ўтган кундан бошлаб уч иш куни мобайнида рўйхатдан ўтишлари шарт.
Тожикистон ҳудудида ўрнатилган тартибларга риоя қилмаган шахсларга нисбатан мамлакат қонунчилигида белгиланган 4000 сомонидан 4500 сомонигача жарима жазоси қўлланилади.