Италиянинг Пезаро шаҳрида бўлиб ўтган «Ўзбекистон – Италия дўстлиги» ва дунё композитори Ж. Россини таваллудининг 150 йиллигига бағишланган кўргазма ва халқаро танловда Республика ихтисослаштирилган санъат мактаб-интернатининг иқтидорли ўқувчи ёшлари ҳам иштирок этди. Бу ҳақда ЎзА хабар бермоқда.

Танловда ўнга яқин давлатлардан келган 200 нафардан ортиқ иқтидорли ёш ижодкорлар ўзаро беллашди.

Ўқувчиларнинг техник маҳоратлари, рангтасвир, графика, чизматасвир ва, айниқса, танланган мавзу асосида ишланган композициялари ечимини ёритиб бера олганликлари билан ҳайъат аъзоларини эътиборига сазовор бўлди.

Танлов ҳайъати аъзолари ўзбекистонлик ёш рассомлар иқтидорини юқори баҳолади.

Танлов якуни бўйича ўрта гуруҳда Олимова Шаҳноза I ўринни (рангтасвир), Мухамеджанова Жасмина II ўринни (рангтасвир), Насруллаев Бехруз II ўринни (рангтасвир) эгаллаб, танлов ғолиблари бўлиб қайтди.