Нозим Ҳусанов 12 май куни Тошкентнинг Сергели тумани ҳокими лавозимига тайинланди. Бу ҳақда шаҳар ҳокимлиги ахборот хизмати хабар берди.
Ҳусанов бунгача Тошкент шаҳар ҳокимининг иқтисодиёт ва тадбиркорлик масалалари бўйича биринчи ўринбосари лавозимида ишлаб келаётган эди.
У 1976 йил Тошкент вилояти, Зангиота туманида туғилган. Тошкент автомобиль-йўллар институти (1997) ва Тошкент молия институти (2002), Ўзбекистон Президенти ҳузуридаги Давлат ва жамият қурилиши академиясини (2007) тамомлаган.
Нозим Ҳусанов 2014—2016 йилларда «Микрокредитбанк» бошқаруви раиси, 2016—2017 йилларда эса Тошкент шаҳар ҳокимининг иқтисодий ва ижтимоий ривожлантириш, хизматлар соҳаси ва тадбиркорлик масалалари бўйича ўринбосари лавозимларида ишлаган.
Аввалроқ Сергели туманининг аввалги ҳокими Бахтиёр Раҳмонов шаҳарнинг бошқа — Олмазор туманига ҳоким этиб тайинлангани ҳақида хабар берилган эди.
Изоҳ (0)