Ҳозиргина Ўзбекистон Pepsi Суперлигасининг 11-тур баҳслари доирасида яна бир учрашув ниҳоясига етди.
Жиззахда «Сўғдиёна» ҳамда «Бунёдкор» ўртасида кечган учрашувда меҳмонларнинг қўли баланд келди. Аввалига биринчи бўлимнинг 39-дақиқасида Жавлон Иброҳимов гол уриб, «қалдирғочлар»ни ҳисобда олдинга олиб чиққан бўлса, иккинчи бўлимнинг 59-дақиқасида Дилмурод Каримов ҳисобни тенглаштиришга муваффақ бўлди. Ўйиннинг асосий вақти якунланишига 5 дақиқа қолганда «Бунёдкор» легионери Филип Раевац гол уриб, ўз жамоасига ғалаба келтирди.
Айни дамда турнинг сўнгги ўйини Наманганда «Навбаҳор» ҳамда Навоийнинг «Қизилқум» жамоалари ўртасида кечмоқда.
Pepsi Суперлига
11-тур беллашувлари
12 май, шанба
«Сўғдиёна» – «Бунёдкор» 1:2
Голлар: 0:1 — 39 Жавлон Иброҳимов, 1:1 — 59 Дилмурод Каримов, 1:2 — 85 Филип Раевац.«Сўғдиёна»: Дилшод Ҳамроев, Сардор Қулматов, Азамат Исроилов, Элёр Орифов, Дилмурод Каримов (Нурулло Тўхтасинов, 65), Дониёр Ҳасанов, Сардор Азимов, Шоҳруз Норхонов (Саҳоб Рашидов, 64), Тоҳир Шамсиддинов, Иззат Абдуллаев (Акмал Холмуродов, 46), Руслан Мелзиддинов
«Бунёдкор»: Муроджон Зуҳуров, Рустам Ашурматов, Акром Комилов, Анвар Ғофуров, Жавлон Иброҳимов, Шаҳзод Нурматов (Филип Раевас, 70), Муроджон Тошматов (Санжар Қодирқулов, 68), Сардор Собирхўжаев, Мирғиёс Сулаймонов, Хуршид Ғиёсов, Миржамол Қосимов (Давронбек Умиров, 77)
Огоҳлантиришлар: Акром Комилов 52, Хуршид Ғиёсов 63, Сардор Қулматов 65, Рустам Ашурматов 73, Руслан Мелзиддинов 79, Мирғиёс Сулаймонов 83.