Boston Dynamics компанияси 2019 йилдан роботларни сотишга киришади. Бу ҳақда компания асосчиси Марк Райберт маълум қилди, дея хабар бермоқда Meduza.
Сотувга кўриниши итни ёдга соладиган тўрт оёқли SpotMini роботи чиқарилади. Компания 2018 йилда тижорий реализация учун 100 та робот ишлаб чиқаришни мақсад қилган.
Spot Mini shows off its tricks #TCRobotics pic.twitter.com/dc0OKIYHU0
— TechCrunch (@TechCrunch) May 11, 2018
Сотувга чиқариладиган роботлар нархи қанча бўлиши ҳозирча маълум эмас.
Boston Dynamics — робот ишлаб чиқаришга ихтисослашган жаҳондаги энг машҳур компаниялардан биридир. Компания одамлар ва итларга ўхшаш ўз роботларининг синови акс этган видеоларни мунтазам эълон қилиб келади. Бу роботлар, хусусан, эшикларни очиш, қутиларни ташиш ва югуришни билади.