Украина президенти Пётр Порошенко мамлакатнинг назорат остида бўлмаган қисми — Донбассда Россия мунтазам қўшинлари борлиги ҳақида тасдиқланган маълумотларга эга эканлигини айтди, деб ёзади «Корреспондент.net».
Унинг сўзларига кўра, Донбассда жанг қилаётганларнинг ярми Россия фуқароларидир. «Украина томони маълумотларига кўра, ҳозир Донбассда жанг олиб бораётганларнинг 50 фоизгача бўлган қисми — Россия фуқаролари», — дейилади хабарда.
Порошенко қўшимча қилишича, турли даврларда Донбассдаги Россия мунтазам қўшинлари сони «2,5 мингдан 10 минг кишигача тебраниб турган».
«Бунга қўшимча равишда, уларда 50 минг нафар ‘рус кўнгиллилари’ бор, улар Россия сафарбарлик тизими орқали тўпланиб, у ерга юборилган», — деди Порошенко.
Президентнинг сўзларига кўра, Украина ҳозир «совуқ уруш фронти чизиғи» ҳисобланади. «Аммо биз ҳозир иссиқ уруш олиб боряпмиз», — деди Порошенко.
Изоҳ (0)