Исроилнинг Сурияга ҳужуми оқибатида икки киши ҳалок бўлди, деб ёзади «Газета.ru».
SANA давлат ахборот агентлиги маълумотларига кўра, Дераа вилоятининг Шайх Мискин шаҳрида яшаган эр-хотин қурбон бўлган.
Аввалроқ Сурия ҳаво ҳужумига қарши мудофаа воситалари Исроил томонидан Дамашқдан жанубда жойлашган Кисва ҳудудига берилган ракета зарбасини қайтарган эди. Исроилнинг иккита ракетаси тўхтатиб қолинган. Аммо Исроил ҳукумати ҳужум ҳақида гапиришдан бош тортди.
«Биз буни изоҳламаймиз», — деди Исроил армияси матбуот хизмати ходимаси ракета ҳужумининг қайтарилгани ҳақидаги хабарларга изоҳ бериш сўровига жавобан.
Изоҳ (0)