Исроил 8 май, сешанба куни кечки пайт шимолий чегарадаги қўшинларини кучайтирилган тайёргарлик ҳолатига келтирди. Бу ҳақда мамлакат армияси томонидан тарқатилган коммюникеда маълум қилинди, дея хабар беради «ТАСС».
«Сурияда Эрон кучларининг мунтазам бўлмаган фаолияти аниқланганидан сўнг армия Голан тепаликларида фуқаролик мудофааси бўйича кўрсатмаларни ўзгартиришга қарор қилди. Маҳаллий мутасаддиларга мазкур ҳудудда бомбадан яшириниш пунктларини очиш ва тайёрлаб қўйиш топширилди. Шунингдек, ҳавога қарши мудофаа тизимлари ишга туширилди, қўшинлар эса ҳужумга қарши кучайтирилган тайёргарлик ҳолатига келтирилди», — дейилади ҳужжатда.
Коммюникеда армия воқеаларнинг турли ривожига тайёр эканлиги ва Исроилга қарши тажовузга қақшатқич зарба берилиши билдирилган.
Изоҳ (0)