Собир Раҳимов ҳайкали пойига гул қўйиш маросими бўлиб ўтди
8 май, сешанба куни Тошкент шаҳрида Собир Раҳимов ҳайкали пойига гулчамбар қўйиш маросими боʻлиб ўтди. Бу ҳақда Sputnik хабар бермоқда.
Тадбирда Мудофаа вазири Абдусалом Азизов, Тошкент шаҳар ҳокими Жаҳонгир Ортиқхўжаев, Қуролли кучлар ҳарбийлари, Тошкент Олий умумқўшин қўмондонлик билим юрти талабалари ва мактаб ўқувчилари иштирок этди.
Собир Раҳимов тумани 1970 йили ташкил қилинган. Туман ҳокимияти биноси қаршисида 1981 йили генералнинг ҳайкали ўрнатилган. 2010 йили туман ва метро бекати номи «Олмазор» деб ўзгартирилган.
7 май, душанба куни Собир Раҳимов ҳайкали Тошкентнинг Ғафур Ғулом номидаги истироҳат боғидан ўзининг аввалги жойи — Олмазор туман ҳокимлиги биноси олдига қайтарилди. Президент Шавкат Мирзиёев Наманган вилоятининг Норин туманида бўлиб ўтган фаоллар йиғилишида генерал ҳайкалини эски жойига кўчиришни таклиф қилган.
