Тошкентда бедарак йўқолган 59 ёшли эркак қидирилмоқда

Тошкентда бедарак йўқолган 59 ёшли эркак қидирилмоқда. Бу ҳақда Facebook’даги «Ми родом из Ташкента» гуруҳига эълон жойланди.

Маълум бўлишича, 1959 йилда туғилган Михайлов Валерий Петрович 2018 йилнинг 3 май куни ити — Бутч лақабли уч ойлик Стаффорд терьерини олиб, ўз ишлари билан уйдан чиқиб кетган. Сўнгги марта эркакни Шимолий Олмазор массивида, собиқ Миконд заводи яқинида кўришган.

Эркак баланд бўйли (190 см), озғин, сариқ сочли. Уни кўрганлар ёки у ҳақда қандайдир маълумотга эга бўлганлар +99890 982-12-34 ёки +99893 375-05-84 телефон рақамларига қўнғироқ қилиши сўралган.