Леонардо Ди Каприонинг исми қўнғизга берилди

Сув қўнғизларининг янги турига актёр, филантроп ва биохилма-хиллик курашчиси Леонардо Ди Каприонинг исми берилди. Бу ҳақда «Корреспондент.net» хабар бермоқда.

Голландиялик энтомологлар Борнео оролидаги Малио Бейсин қўриқхонасида тадқиқот олиб бораётиб қўнғизларнинг янги турини аниқлади. Унга Grouvellinus leonardodicaprioi номи берилди.

Шу йўл билан олимлар актёрга атроф-муҳитни ҳимоя қилишга ихтисослашган экологик фонд яратгани учун миннатдорлик билдирди.