Жанубий Корея бирлашиш вазири: КХДР билан тинчлик битимини ядровий қуролсизланишдан сўнг имзолаш мумкин

Икки Корея ўртасидаги ярашув тўғрисидаги келишувни тинчлик битимига алмаштириш ядровий қуролсизланиш жараёнига боғлиқ. Бу ҳақда Корея Республикаси бирлашиш вазири Чо Мён Гюн маълум қилди, деб ёзади «ТАСС».

«Корея урушининг якунланганлиги ҳақида май ёки июнь ойига режалаштирилган Шимолий Корея — Америка саммити якунлари бўйича эълон қилиш мумкин. Бироқ ярашув ҳақидаги келишувни Корея ярим оролини ядровий қуролсизлантиришнинг якуний босқичида тинчлик битимига алмаштириш мумкин бўлади», — таъкидлади нашр.

Эслатиб ўтамиз, 27 апрель куни Пханмунжом чегара пунктида Корея Республикаси президенти Мун Чжэ Ин ва КХДР етакчиси Ким Чен Ин ўртасида учрашув бўлиб ўтди.