Нью-Йоркда ғарбий яримшардаги энг баланд томоша майдончаси қурилмоқда

Нью-Йоркнинг Хадсон-Ярд даҳасида нафақат шаҳар, балки бутун ғарбий яримшарда энг баланд бўладиган томоша майдончаси қурилмоқда. Бу ҳақда ForumDaily нашри хабар қилди. 330 метрлик майдонча баландлиги бўйича дунёда бешинчи ўриннни эгаллайди ва Гудзон дарёсини томоша қилиш имконини беради.

Майдонча 15 та алоҳида секциядан иборат бўлиб, улардан ҳар бирининг оғирлиги 15 тоннадан 46 тоннагача. Ойнали пол эса ажойиб суратлар олиш учун мўлжалланган.

Кўриш майдончаси қурилаётган 90 қаватли бино Хадсон-Ярд даҳаси-30 манзилида қад ростлайди. Қурилишни Kohn Pedersen Fox Associates олиб бормоқда. 2019 йили қурилишни якунлаш режалаштирилган. Бу Нью-Йоркда One World Trade’дан кейинги энг баланд офис биноси бўлиши кутилмоқда.