Париж полицияси тартибсизликларга жавобан кўздан ёш оқизувчи газ қўллади

Франциянинг Париж шаҳрида юз берган тартибсизликларга қарши полиция кўздан ёш оқизувчи газ ва сув замбаракларини қўллади. Бу ҳақда «РИА Новости» хабар берди.

1 май куни намойишлар Париждаги Бастилия майдонида бошланган. Полиция томонидан берилган маълумотларга кўра, 1200 нафар ёш йигит ва қиз қора кийим ва ниқобларда намойишда иштирок этган. Ҳаракат давомида улар ресторан ва кафеларнинг ойналарини синдира бошлаган, машинани ёқиб юборган.

Дастлаб вазиятга қаршилик кўрсатмаган полиция воқеаларга аралашишга мажбур бўлган ва тартиб бузарларга қарши кўздан ёш оқизувчи газ ва сув замбаракларини қўллаган.