Лондон Табиий тарих музейи танловида ғолибликни қўлга киритган чумолихўр сурати сохта бўлиб чиқди

Лондон Табиий тарих музейи танловида ғолибликни қўлга киритган чумолихўр сурати сохта бўлиб чиқди. Бу ҳақда танловнинг Twitter’даги расмий саҳифасида маълум қилинди, деб хабар берди «РИА Новости».

Марсио Кабрал томонидан тақдим этилган «Тунгги босқинчи» суратида тасвирланган ёввойи чумолихўр «Табиий шароитдаги жонзот» номинациясида ғолибликни қўлга киритганди.

Номаълум шахс музейга Кабралнинг суратида тасвирланган ҳайвон каби турган чумолихўрнинг суратини юборган. Ушбу суратларда тасвирланган жонзот Эмас миллий боғи кираверишига ўрнатилган тулум бўлиб чиқди.

Бир-биридан мустақил текширув ўтказган беш нафар мутахассис иккала суратда ҳам битта жонзот тасвирланган деган хулосага келди.

Шундан сўнг танловнинг Twitter’даги расмий саҳифасида «Тунгги босқинчи» дисквалификация қилингани борасида хабар пайдо бўлган.