Бугун, 29 апрель тонгида ўзбекистонлик енгилмас боксчи Шоҳжаҳон Эргашев WBA International чемпионлик камари учун хитойлик Ванг Жимингга қарши рингга кўтарилади.
«Olamsport.com» нашрининг хабар беришича, мазкур жангда Шоҳжаҳоннинг имкониятлари юқори баҳоланмоқда. Мутахассис ва мухлислар, шунингдек, букмекерлик компаниялари Эргашевни фаворит сифатида эътироф этган. Букмекерлик компаниялари Эргашевнинг ғалабаси учун 1.03 нисбат берган. Хитойлик боксчининг ғалабаси учун эса 14,5 нисбат берилган.
Маълумот учун Шоҳжаҳон Эргашев иштирокидаги жанг бугун эрта тонг соат 05:00 дан сўнг бошланиши кутилмоқда. Бошқа жанглар натижасига қараб, тўқнашув бошланиш вақти бироз ўзгариши мумкин. Жанг Sport-TV телеканали орқали жонли эфирда намойиш этилади.
Изоҳ (0)