18 апрель куни Фарғона шаҳрининг Ёрмозор ҳудудида яшовчи Мадраҳимовлар оиласида чақалоқ дунёга келди. Эътиборлиси унга «Ливерпуль»нинг мисрлик ўйинчиси Муҳаммад Салоҳга ҳавас қилиниб, Муҳаммадсаллоҳ деб исм қўйилди, деб ёзади «Championat.asia»
Муҳаммад Салоҳнинг ҳозирги кундаги ўйинидан барчамиз роҳатланяпмиз. Фарзандим туғилишидан 3-4 кун аввал дўстларим билан суҳбатлашиб турган эдик. Кўпроқ биз футбол мавзусида гаплашамиз. Яқин кунларда фарзандли бўлишимдан ҳабарлари бор эди. Шунда Жамшид исмли дўстимиз таклиф қилди исмини Муҳаммадсаллоҳ қўйгин деб. Бу фикр барчамизга маъқул келди. Рости у кунларда исм танлаш борасида умумман ўйламаётган эдим. Айнан дўстим бунга сабабчи бўлди. Ўзим футболчи бўлишни истаганман. Аммо тақдир тақозоси билан футболчи бўлиш насиб қилмаган. Аввало бу тақдир, ўғлим ким бўлишини ўзи ҳал қилади, агар футболчи бўлмоқчи бўлса барча шароитларини яратиб бераман.Мадраҳимов Умиджон, Муҳаммадсаллоҳнинг отаси
Муҳаммадсаллоҳнинг акаси бор. Қизиғи 4 ёшли Муҳаммадумарнинг биринчи айтган сўзи гол бўлган экан.
Изоҳ (0)