Аввал хабар берилганидек, Мадриднинг «Реал» жамоаси Европа Чемпионлар Лигасининг ярим финалидан ўрин олган «Бавария»га қарши дастлабки учрашувда 2:1 ҳисобидаги ғалабани қўлга кириди.
Шунингдек, бир оз вақт муқаддам ушбу ўйинда қайд этилган рекордлар ҳақида ҳам хабар берилган эди.
«Реал»нинг кечаги муваффақияти мусобақа тарихида «Бавария» устидан қозонилган кетма-кет 6-ғалабаси сифатида тарихдан жой олди. Олдин ҳеч қайси жамоа «Бавария»ни қаторасига 6 бор мағлуб эта олмаган эди.Охирги 6 ўйинда «Реал» «Бавария» дарвозасига 15 та гол уриб, ўз дарвозасида эса 5 та гол олиб чиққан.
«Реал»нинг мазкур ғалабали серияси 2011/12 йиллардаги ЕЧЛ ярим финалида бошланган. Ўшанда мадридликлар 2:1 ҳисобида зафар қучган. Шундан сўнг «Реал» «Бавария» устидан 2013/14 йиллардаги мавсум ярим финалининг иккала ўйинида ҳам мос равишда 1:0 ва 4:0 ҳисобида ғалаба қозонади. Ўтган мавсум эса мадридликлар Чемпионлар Лигаси чорак финалида «Бавария»ни 2:1 ва 4:2 ҳисобида мағлуб этган эди.
Кечаги учрашувда «Реал» ҳужумчиси Криштиану Роналду рақиб дарвозасини ишғол этолмади. Ва ҳаттоки 2017 йил февралида бери илк бор рақиб дарвозасига бирор марта зарба йўлламади.
Натижада, Роналдунинг 2018 йилнинг 3 февралидан бери давом этаётган барча турнирлардаги қаторасига 12 та голли ўйинлар серияси барҳам топди. Шунингдек, унинг Чемпионлар Лигасидаги 2017 йил май ойидан бери давом этаётган кетм-кет 11 та ўйиндан иборат голли серияси ҳам якун топди.
Криштиану ЕЧЛнинг ўтган мавсум финали ва бу мавсумнинг 10та ўйинида майдонни голсиз тарк этмаётганди.
Изоҳ (0)